ചേരയെ തിന്നുന്ന നാട്ടിലെനിയ്ക്കൊരു
ചേരവാല് തിന്നുവാന് വായയില്ല
വായയില് മാലിന്യക്കൂമ്പാരം കൂട്ടിയോര്
കയ്യുമലര്ത്തി കടന്നു പോയി
അണ്ഡകടാഹം കുരച്ചു വിറപ്പിയ്ക്കും
അണ്ഡമുടഞ്ഞുള്ള നായവാലില്
ആകെ ഭ്രമിച്ചോളിപാടുന്ന പട്ടിയ്ക്കു
മൂക്കിന് മുകളിലോ പന്നിപ്പനി
ചക്കക്കുരുവിത്ര വേണമോ ചക്കയ്ക്കു
ചുക്കിച്ചുളിഞ്ഞ വൃഷണദ്വയം
കൊണ്ടുകുലുമാലു കൂട്ടുന്നു കൂടുന്നു
വിണ്ടലം വിള്ളിയ്ക്കും ഭീകരത
ചോരയില് നിന്നു മുളച്ചോര്ക്കു ചോരയില്
ഊര വഴുക്കും കൊളസ്റ്റ്രോളത്രേ
ചേരയെ തിന്നുന്ന നാട്ടിലെനിയ്ക്കൊരു
ചേരവാല് തിന്നുവാന് വായയില്ല
2 comments:
((( ഠേ )))പന്നിപ്പനി, പക്ഷിപ്പനി പട്ടിപ്പനി..
എന്റമ്മോ...
കവിത നല്ലത്..! ആശയം അതിലും നല്ലത്..!!
:)
Post a Comment