സഖി മുന്നോട്ടു പോയീടാം
സുഖത്തെ കാത്തു നിൽക്കവേ
ദുഖമാണു വരുന്നെങ്കിൽ
ആ ഖേദം താങ്ങുവാൻ പണി
കാഴ്ചയ്ക്കുമപ്പുറത്തെങ്ങോ
വച്ചതെല്ലാം കഴിക്കുവാൻ
കച്ചകെട്ടിയതല്ലേ നാം
പിച്ചച്ചട്ടിയെടുത്തിടാം
ഒരു പക്ഷേ നടക്കുമ്പോൾ
നേരത്തെ കണ്ടുമുട്ടിയോർ
വരവേറ്റാൽ ചെറ്റു നേരം
ഇരിക്കാം ക്ഷീണരാണു നാം
തിരതല്ലം കിതപ്പിൻ്റെ
തീരത്തിത്തിരി നിന്നിടാം
ചക്രവാളം കഴിഞ്ഞാലും
തീരില്ലാ ദീർഘമാം വഴി
