അമ്മിഞ്ഞയ്ക്കിത്രമേല് മാധുര്യമേറുവാന്
കാരണമെന്തമ്മേ ചൊല്ലിത്തരൂ
അമ്മയ്ക്കു ശൈശവകാലത്തില് മറ്റുള്ളോര്
തന്നുള്ള സ്നേഹത്തിനോര്മ്മചേര്ത്തോ?
ചുറ്റിലും തേനോലും പൂവ്വുകള് പുഞ്ചിരി
തൂകുന്നതുള്ളില് നിറച്ചതാണോ?
ഭൂമി പുതുമഴയേല്ക്കുമ്പോള് പൂണ്ടീടും
ആശ്വാസം നെഞ്ഞില് കരുതിയതതോ?
മാരിവില് കാണുമ്പോള് കുഞ്ഞുന്നാളുണ്ടാകു-
മത്ഭുതം കുഞ്ഞിനായ് കാത്തുവെച്ചോ?
ഊരുവില് താളമിട്ടമ്മയുറക്കുന്ന
താരാട്ടുപാട്ടിന്റെയീണം ചേര്ത്തോ?
ബാല്യത്തിലോണപ്പുടവയുടുക്കുമ്പോള്
തുള്ളിയതോരര്മ്മയില് നിന്നു ചേര്ത്തോ?
മഞ്ഞണിയാതിര നല്കിയ പാവന-
ശീതത പാലില് കലര്ത്തിയതോ?
പാര്വ്വണചന്ദ്രികയാവോളം പാനം ചെയ്-
തമ്മിഞ്ഞപ്പാലായ് ചുരത്തിയതോ?
ലോകത്തിലാനന്ദമിറ്റുന്നതെല്ലാമേ
കുഞ്ഞിന്നു പാലായി മാറ്റിയതോ?
1 comment:
Amminhapalolam chorivaakondaadya-
Ammayethanne vilicha kunjhe,,,
School l padicha aa kavitha orthu poyi,,,nannayittundu,,
Post a Comment