അപ്പൂപ്പന് താടിയ്ക്കു കാറ്റില് പറക്കുവാന്
എപ്പോഴും പറ്റുന്നതെന്താണാവോ
ഉള്ളതലമുടിയൊക്കെ നരച്ചിട്ടു
വെള്ളയായ് തീര്ന്നതു കൊണ്ടാണാവോ
ആവില്ല. മുത്തശ്ശിയാകെ നരച്ചിട്ടും
പാവം നടപ്പതു കൂനിക്കൂനി
നീണ്ടു നീണ്ടുള്ള മുടിയുള്ളതാവുമോ
വിണ്ടലില് നീന്തുവാന് ശക്തിയേകി?
എന്നാലെന്നോപ്പോള്ക്കു ഹൈഹീല് ചെരുപ്പിട്ടും
ഇന്നോളം ആയില്ലാക്കാര്യമൊട്ടും
കുഞ്ഞുശരീരമോ പാറുവാന് പറ്റുവാന്?
കുഞ്ഞുടലാണല്ലോ കുഞ്ഞെലിയ്ക്ക്
എന്നിട്ടും കാറ്റത്തു നീന്തിക്കളിയ്ക്കുവാന്
ഇന്നോളം പറ്റീലയെന്തോന്നാവോ
ഉള്ളിലഹങ്കാരം കള്ളമസൂയകള്
ഉള്ളോര്ക്കു പാറല് പ്രയാസമാവും
No comments:
Post a Comment