വാക്കുകൾ ഉടക്കിക്കിടക്കുകയാണ്
കർമ്മബന്ധങ്ങളിലെ കെട്ടുകളിൽ
വാക്കുകൾ ഉടക്കിക്കിടക്കുകയാണ്.
വിളിച്ചുപറയാൻ പുളിച്ചുതേട്ടുന്നവ
നാണമൊലിച്ചു നനഞ്ഞവ
വേദനയാൽ നിണമണിഞ്ഞവ
തിരശ്ശീലയ്ക്കു പിന്നിൽ ചീറിപ്പൊളിക്കുന്നവ
ഭയന്നു മുഖം വറ്റുന്നവ
വായിലെ വെള്ളത്തിൽ തോണി കളിക്കുന്നവ
ഇരുളിൽ തലയിൽ മുണ്ടിടേണ്ടവ
അഹങ്കാരത്തിൽ കനത്തിൽ അഭിനന്ദിക്കാൻ കഴിയാത്തവ
വാക്കുകളാൽ ശ്വാസം മുട്ടുമ്പോൾ
വെന്റിലേറ്ററിൽ കിടത്തി മുട്ടിക്കുന്ന ബന്ധങ്ങൾ
No comments:
Post a Comment