മഞ്ഞിൻ്റെ പാളികൾ തള്ളി നീക്കിയൊരു ദേഹം
നദിയിലെ ശൈത്യത്തിൽ വീഴുന്നു.
മത്സ്യങ്ങളേ ഇതു നിങ്ങൾക്കു ദൈവമായ്
കൊണ്ടു കൊടുത്ത വിശപ്പിൻ്റെ സാന്ത്വനം
മാറിൽ അഭിമാനസംസ്കാരമുദ്രകൾ
ആലേഖനം ചെയ്ത മാനവ വേദന
തിന്നു പുഷ്ടിപ്പെട്ടുകൊള്ളുക കൊള്ളിമീൻ
പൊള്ളിക്കുമുൽക്കടമാകാശദീപ്തിയിൽ
നാളെ അടിമുടി കീറിമുറിഞ്ഞൊരു
ബാല്യം വിശപ്പിന്നു ചൂണ്ടയിട്ടീടവേ
നീയന്നസഹ്യമാം പ്രാണപ്പിടച്ചിലാൽ
നൽകണം പുഷ്ടിയാർന്നുള്ള ശരീരവും
No comments:
Post a Comment