ചണ്ടി നിറയുന്നു ചണ്ടി.
ചാടിമറിഞ്ഞു കളിച്ച കുളങ്ങളിൽ
ചണ്ടി നിറയുന്നു ചണ്ടി.
കാലപ്പഴക്കം കഴപ്പിച്ച കണ്ണിൻ്റെ
മുന്നിൽ പടരുന്ന ചണ്ടി.
എത്ര വലിച്ചു കയറ്റി കളഞ്ഞാലും-
മത്ര വളരുന്ന ചണ്ടി.
ഗർഭപാത്രത്തിലെ ഭിത്തിയിലാഴ്ത്തിയ
വേരാൽ വളരുന്ന ചണ്ടി.
തെക്കേത്തൊടിയിലുടഞ്ഞ പാത്രത്തിൻ്റെ
പൊട്ടിൽ മുളക്കുന്ന ചണ്ടി.
ചെന്നിടത്തെല്ലാം മലീമസമാക്കുന്ന
ചുറ്റിപ്പിണയുന്ന ചണ്ടി.
കയ്യിലും കാലിലും ചുറ്റി വരിഞ്ഞെന്നെ
ചണ്ടിയാക്കുന്നൊരു ചണ്ടി
ആകാശഭൂമികൾ മൂടി പുനർജനി-
പാതയിൽ ചീയുന്ന ചണ്ടി
No comments:
Post a Comment