വേരിലെന്നോ വന്നു കൂടിയ വർണ്ണങ്ങൾ
കറയായ് മുറിപ്പാടിൽ
നിന്നുമൂറാം
കട്ടിയായ് കതലായ് ഗാഢസമാധിയായ്
നാശത്തെ നേരിട്ടെതിർത്തു നിൽക്കാം
ഉഗ്രകോപംകൊണ്ടു ചീറുന്ന കാറ്റിനെ പേടിച്ചുലയുമിലയുമാകാം
തെന്നലെ തൊട്ടു തലോടും തളിരിലെ മാർദ്ദവമുറ്റും നിറവുമാകാം.
ചുറ്റുപാടൊക്കയും സൂക്ഷിച്ച ചെല്ലത്തിൽനിന്നും എടുത്തു ചവയ്ക്കുന്നതിൽ
ചുവപ്പും ചിരിയും പുകലയുടെ നീറ്റലും
ഉള്ളിലൊതുക്കും മലരുമാകാം
വേരിനകം പുക്ക വർണ്ണങ്ങൾ നമ്മളിലെന്തേ വെറും നമ്മളായിമാറാൻ?
No comments:
Post a Comment