പോത്തുകളെ

ചന്തയ്ക്കു പോരുന്നോ പോത്തുകളേ 

ചിന്തിച്ചയവെട്ടാൻ നേരമില്ല. 

ലോറിയിലെങ്ങുനിന്നൊക്കയാണ് 

 പോത്തുകൾ വന്നങ്ങു ചേരുന്നത്?                

വന്നവർ വന്നവർ കൂട്ടമായി 

പോകും പ്രദേശമറിഞ്ഞുവെന്നാൽ 

നിങ്ങളുമുത്സാഹത്താൽ നടക്കും.

കോലും പിടിച്ചാരും പിന്നിൽനിന്ന് 

 തല്ലില്ല, ഭൂമിയുഴുതീടുവാൻ. 

തിന്നുവാൻ വയ്ക്കോലും പുല്ലുമില്ല 

 എന്നൊന്നും കേഴേണ്ട കാര്യമില്ല. 

കൂട്ടമായ് കൂട്ടമായ് സ്വർഗ്ഗവാതിൽ 

കേറുവാൻ പറ്റുമവസ്ഥയാണ്. 

ചന്തയ്ക്കു പോരുന്നോ പോത്തുകളേ 

 ചിന്തിച്ചയവെട്ടാൻ നേരമില്ല