സർവ്വശക്തൻ

ഞാൻ നിങ്ങൾക്ക് വാക്കു തന്നിരുന്നു, 

ഇരട്ടുകത്തിച്ച് വെളിച്ചമേകും എന്ന്. 

ഞാനീയിരുട്ടെല്ലാം ഒന്നു വാരിക്കുട്ടുന്നതുവരെ 

നിങ്ങൾ കണ്ണുതുറക്കതെ വെളിച്ചത്തെ സ്വപ്നം കാണണം. 

 നിങ്ങൾ കണ്ണടച്ചിരിക്കുമ്പോൾ കണ്ണുതുറന്ന് 

ഇരുട്ടു വാരിക്കൂട്ടുന്ന ഞാൻ പറയുന്നത് വിശ്വസിക്കണം.

ഇരുളിൻറെ വേരുകൾ നിശ്ശേഷം പറിക്കാൻ 

ശക്തമായ കൈകളുമായി ഞാൻ ഇറങ്ങുമ്പോൾ 

 നിങ്ങൾ കോരിത്തരിക്കണം. 

ഇരുട്ടു മുഴുവൻ പറിച്ച് കത്തിക്കുമ്പോൾ ഞാൻ പറയാം. 

ഇരുട്ടെല്ലാം കത്തിക്കഴിഞ്ഞാൽ വെളിച്ചവും പൊലിഞ്ഞു പോകില്ലേ 

എന്ന് സംശയിക്കരുത്. 

ഞാൻ സർവ്വശക്തനാണ്