കല്ലും തുമ്പിയും

കല്ലേ കല്ലേ തുമ്പി വരുമ്പോൾ 

 കല്ലത്തം കാട്ടിക്കിടക്കരുതേ 

തമ്പ്രാൻ പറഞ്ഞിട്ടു കല്ലെടുത്തീടുമ്പോൾ 

കഞ്ഞിയിൽ കല്ലായ് കിടക്കരുതേ 

പൊങ്ങാത്ത കല്ലിന്നഹങ്കാരം തീർപ്പതു 

തുമ്പിച്ചിറകു പറിച്ചിട്ടാകും. 

ആകാശത്താകെ പറന്നു നടക്കുവാൻ 

ഈശ്വരൻ കൽപ്പിച്ച കൽപനയിൽ 

തന്നിഷ്ടം പോലെ തിരുത്തു വരുത്തുവാൻ 

ചെങ്കോലെടുത്തൊരു തമ്പുരാനെ 

കൊല്ലല്ലേ കുഞ്ഞിച്ചിറകു പറിക്കല്ലേ 

പൊന്തിയ്ക്കാം പൊന്താത്തകല്ലുപോലും