മാറ്റം

ജീവിതമുച്ചതിരിഞ്ഞു നമുക്കിനി 

 കൈകൾ പിടിച്ചീ വഴിത്താരയിൽ 

കാലത്തിന്നദ്ഭുത കാഴ്ചകൾ കാണാനായ് 

വേച്ചു വേച്ചെങ്കിലു നീങ്ങി നോക്കാം. 

നോക്കൂ സഖീയിതാ നമ്മൾ ശരിയെന്നു 

വെച്ചു വളർത്തിയ പൂച്ചെടികൾ 

വെട്ടിക്കളഞ്ഞു നാം തെറ്റായ് കരുതിയ 

 സസ്യങ്ങൾ വെച്ചു പിടിപ്പിച്ചത്. 

 കള്ളക്കറുക്കിടകത്തിലൊഴിയാത്ത

പേമാരി കൊണ്ടു നനഞ്ഞ കാലം 

ചുട്ടു വിയർത്തു നനഞ്ഞു വിവശമായ് 

മാറുന്ന കാഴ്ചകൾ കാണുക മാഴ്കാതെ നീ 

മഞ്ഞളരച്ചു പുരട്ടി പ്രഭയാർന്നു 

നാലാൾക്കു മുന്നിൽ തളിഞ്ഞ മുഖം 

ദുർഗ്ഗതി വന്നു മുഖമ്മൂടിവെപ്പിച്ചു 

 ഭാവങ്ങളെല്ലാം മറയ്ക്കും കാലം. 

കാഴ്ചകൾ കാണുക. കണ്ടതിലൊട്ടായ്ക 

കാഴ്ചകൾ കാഴ്ചകൾ മാത്രമെന്ന് 

കണ്ടു പഠിക്കുക. കൂരിരുട്ടാകയും 

മുന്നിൽ പരക്കുവാൻ കലമായി